رساله رايحه .....
ورساله جايه ...
والقلب طاير ...
والدنيا حلوه ...
والهو طير ..
كل الستاير ..
قالتلى صورتك جميله
قولتليها كان عيد ميلادى
والدنيا برد أواخر يناير
والاموره دى حضرتك
قالتلى دى اول مره
اسيب شعرى كده
من غير ضفاير
إنت باين عليك ابن حلال
قولتيلها اوى والله
وخجول جدا
لا قهوه ولا شاى
ولا سجاير
خريج علوم قسم كيميا
وبشتغل ف التنسيق الحضارى
وعندى وصله دش ونت
شركه مع كل العماير
قالتلى أنا زراعه
قسم حشرات
وموظفه ف الشهر العقارى
طول النهار أختم توكيلات
معظمها للبيع وللمحامى
مصر كلها ف المحاكم
ومفيش ضماير
قلتلها عامله إيه
مع الزحمه والناس
قالتلى باخد توك توك
واكمل بميكروباص
وكل ما ارسم قمر
يطلع يا دوب
شويه دواير
إحنا خمسه إخوات
ولد على خمس بنات
أمى عايشة
وابويا مات
والموت علينا حق
وده كاس وداير
قلتلها يعنى يتيمه زى
أنا أبويا وأمى ماتوا
وسابوا الستر
وبطاقة تموين
ونص فدان مانجا
من تلاتين سنه
لسه بشاير
قالتلى مش عارفة ليه
ارتحتلك وفتحتلك قلبى
قولتلها وأنا كمان
ولسه هـــا قولها أنا حبيتك .....
النت فصل يا معلم
ولاقيتنى أنا وروحى
وبطاقه التموين
وشويه زراير
ورساله جايه ...
والقلب طاير ...
والدنيا حلوه ...
والهو طير ..
كل الستاير ..
قالتلى صورتك جميله
قولتليها كان عيد ميلادى
والدنيا برد أواخر يناير
والاموره دى حضرتك
قالتلى دى اول مره
اسيب شعرى كده
من غير ضفاير
إنت باين عليك ابن حلال
قولتيلها اوى والله
وخجول جدا
لا قهوه ولا شاى
ولا سجاير
خريج علوم قسم كيميا
وبشتغل ف التنسيق الحضارى
وعندى وصله دش ونت
شركه مع كل العماير
قالتلى أنا زراعه
قسم حشرات
وموظفه ف الشهر العقارى
طول النهار أختم توكيلات
معظمها للبيع وللمحامى
مصر كلها ف المحاكم
ومفيش ضماير
قلتلها عامله إيه
مع الزحمه والناس
قالتلى باخد توك توك
واكمل بميكروباص
وكل ما ارسم قمر
يطلع يا دوب
شويه دواير
إحنا خمسه إخوات
ولد على خمس بنات
أمى عايشة
وابويا مات
والموت علينا حق
وده كاس وداير
قلتلها يعنى يتيمه زى
أنا أبويا وأمى ماتوا
وسابوا الستر
وبطاقة تموين
ونص فدان مانجا
من تلاتين سنه
لسه بشاير
قالتلى مش عارفة ليه
ارتحتلك وفتحتلك قلبى
قولتلها وأنا كمان
ولسه هـــا قولها أنا حبيتك .....
النت فصل يا معلم
ولاقيتنى أنا وروحى
وبطاقه التموين
وشويه زراير
11 comments:
بصراحة هو فرصة لاى بنت لا قهوة ولا شاى احسن طبعا وسجاير وخانقة
وتدخين سلبى بقى وكدة
شكرا ليك طحن
لا لا لا ايه ده يا مان..بس قولي الاول انت اللي كاتب الكلام ده ؟؟ اعترف ؟؟ كانت مفاجأة بصراحة..عموما راجعلك تاني بس انا قولت اهني الاول على اما ابئى افهم الليلة.. ماشي ..يلا بيس
بصراحة الكلام ده كبير
ومش اي حد هيفهمه
بعتذر عن تأخري فى الزيارة وغيابى عن التدوين ايضا
واحب انتهز الفرصة واقولكم
كل لحظة وانتم طيبين وفى احسن حال
اشكرك على الزيارة والسؤال يا شريف
خالص مودتى
Amazing :)
shreef
منور دايما يا عبقرى,ربنا يباركلك يا رب كان نفسى اكون انا اللى كاتب الكلام ده,بس اللى كتبه "مواطن مطحون اوى" واحد من الناس اللى عايشه ومش عايشه ربنا يسترها مع الجميع
كلام لوجيك
الكلام ده بسيط جدا ,ونفس الوقت كبير زى ما انت قولت تعرف ليه لانه واقعى زياده عن اللزوم والله لينا الجنه اتمنى انك تشرفنا على طول
خليك ف حالك
دى المره الاولى اللى ارد عليك فيها بس كفايه زيارتك ومشركتك معانا يا مان
و هنتقابل تانى
السلام عليكم
ازيك ياعلي
ايه حكاية بطاقة التموين وكمان النت يفصل بعد ده كله
خلى بالك بطاقة التموين بتنفع دلوقتى
اه والله
تحياتى
عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
مبروك علي الشغل تاني وتالت
الشغل دا اول اهم حاجة صح في حياتك
وعقبال العروسة بس ابقي اعزمنا
مش هقولك تسلم ايدك
يسلم انفوخ علي سلامة ويسلم الكيبورد بتاعك
لا تحرمنا من تعليقاتك
كلام لوجيك
اهلا بحضرتك و بجد يعني احنا مفتقدينك و مفتقدين كلامك عموما كل سنة و انت طيب و ان شاء الله تكون بخير دايما..تحياتي ليك..سلام
ــــــــــــــــــــ
gjoe
شرفتنا بالزيرة و اهلا بيك دايما
ـــــــــــــــــــــــ
عاشقة الوطن
اهلا بيكي يا رضوى شرفتينا بالزيارة و اسفين على التأخير في الرد بس انتي فاهمة كانت فترة امتحانات و قلق بالنسبة لعلي..سلام
ــــــــــــــــــــــــــ
الخيط الرفيع
الله يبارك فيكي و هي فعلا نقطة مهمة جدا و بعدين عروسة مرة واحدة لسه بدري اوي و بعدين مش اما نلاقي العروسة الاول..و كويس انك قولتي ان ده شعر علي سلامة مكنتش اعرف و الله يلا ما علينا..المهم شكرا على شعورك الجميل..تحياتي ليكي..سلام
Post a Comment