مسابقات ثقافية و زيارات للمكاتبات و تبني اي مواهب فنية و مساعدتهم فيها و تحسين الجانب الديني و تحفيظ القرآن و تقويم الاخلاق
تنظيم دورات رياضية و تبني اي مواهب رياضية و نخذهم يتدربوا في الاندية لتنمية رياضة معينة مثلا يمكن حد فيهم يوصل و يكون لاعب كبير
متابعتهم في مدارسهم لان لقوا ان البعض منهم ليه سلوك سيء في المدارس و ممكن نديهم دروس تقوية في المواد اللي ممكن نشرحها او يكون في عضو مثلا من كلية تربية يدرسلهم المادة اللي هما عايزينها
المشاركة في تنظيم الرحلات و الحفلات و دعوة الناس من خارج المؤسسة علشان يحضروا الحفلات ديه
ان احنا نحسن السلوك الاجتماعي للاولاد دول زي ما قلت بأشراكهم في مجتمعنا. وكمان لما النادي ده يتوسع في نشاطه مش هيكون قاصر على مؤسسة واحدة هيتسع ليشمل باقي المؤسسات سواء في المدينة و في باقي المحافظة
و علشان تعرفوا ان احنا مبنتكلمش و بس احنا رحنا فعلا لأدارة المؤسسة و عرضنا عليهم الموضوع و بصراحة الناس تحمسوا جداً للفكرة و طلبوا مننا خطة مكتوبة علشان تتناقش و يوافقوا عليها و الحقيقة احنا سعيدين بالبداية ديه.
احنا عايزين ايه منكم
الكلام ده موجه على وجه الخصوص لشباب مدينة شبين الكوم محافظة المنوفية و دعوة موجه لشباب مصر كلهم انهم ياخدوا نفس المبادرة و ينفذوها في مدينتهم يمكن بالطريقة ديه نقدر نربي الاولاد دول بطريقة كويسة يطلعوا ناس تخدم بلدهم بدل ما يطلع فيهم (التربيني) و امثاله اللي كان اهمال المجتمع ليهم سبب في اللي هما فيه دلوقتي. ذي ما قلت احنا عايزين شباب يشاركونا في النادي ده و نبدأ سوا ننفذ اي افكار هتخرج من الاعضاء دول. انا عارف ان الموضوع ممكن يكون غريب لبعض الناس لاننا للأسف بقينا في مجتمع بقى العمل الخيري فيه حاجة غريبة لكن ده عمره ما هيرجعنا او يمنعنا ان احنا ننفذ الكلام ده
ارجوك.... لو انت مهتم بالفكرة سيب ردك سواء عايز تشترك معانا او حتي تدينا افكار جديدة ممكن تساعدنا ان احنا نقوم بالعمل ده...او حتى قلنا امثلة للنشاطات اللي ممكن نقوم بيها...افتح باب النقاش علشان نوصل للصالح العام لان الاولاد دول محتاجين للشباب امثالنا.او على الاقل ادعولنا ان ربنا يوفقنا ان شاء الله.
للاستعلام او لأي اسئلة راسلنا على
6 comments:
ساااااااا الخير عليكم
بما انى اول الناس ,عايز اقولك " الله عليك"تسلم ,فى نقطه انت اشرت ليه عجبتنى وهيه مهمه فعلا وهو اننا لازم نشرك الاطفال دول فى حيتنا ,لازم يحسو انهم مش منبوزين,والا سلوكهم هيكون عدوانى والبلد مش عاوزه حد يكرهها بالعكس احنا عايزيين نربي نشأ صالح يخدم بلده بجد ,وما ينتظرش مقابل والفكره اللى انت قلت عليها دى فكره بجد جميله ,وربنا يوفقكم ويبارك فيكم
شكرا يا علي و ان شاء الله ربنا يسهل و نقدر ننفذ الكلام ده لكن ده طبعا مش هيتم الا بمشاركة الناس و الشباب على وجه الخصوص لأن احنا لوحدنا مش كفاية...
ربنا يوفقك يا شريف, واستنى لما اخلص من الامتحانات ونفكر فى حاجات حلوة..وعازين حاجات من دى علطول
هي اكيد فكرة كويسة بس الاهم من الفكرة هو تنفيذها و يا اخ فمتو احنا بنفكر دلوقتي علشان نبتدي ان شاء الله من بداية اجازة نص السنة و اتمنى ان بغض النظر عن المدينة انك على الاقل تحاول تبتدي الموضوع ده او حتى على الاقل تحرك الناس اللي ممكن يتبنوا الموضوع ده و اتمنى ان بأستخدام المدونات او النت عموما ناس كتير تتبنى حاجات زي كده...
شريييييييييف باشا
ربنا يوفقك ومسنين شغل
انا شاء الله يا احمد و شرفتنا بزيارتك..
Post a Comment