مرة كنت ماشي مع واحد زميلي و كنت حابب اعرف رأيه في موضوع مضايقني المهم سألته و بقوله
انا : تفتكر الناس كلها عارفة حدودها كويس ؟؟
قالي : تقصد اي بالظبط ؟؟
قولتله : المفروض ان كل واحد لينا بيكون له حدود المفروض لا يتعداها مش كدا ؟؟
قالي : كلامك مظبوط و ده شيء طبيعي مش محتاج انك تسأل فيه
رديت : جميل بس اللي مش طبيعي انك بالرغم من ان الناس المفروض عارفة ده كويس بتلاقيهم بيتدخلوا في شؤون ناس تانية بطريقة مستفزة جدا لكن الغريب ان الناس اللي تم التخطي على حدودهم مش شايفين ده ان هوا تخطي على حدودهم و بالتالي اللي انا شايفه تخطي على حدود الناس من وجهة نظري انا مش شرط يكون تخطي على حدود الناس من وجهة نظرهم هما
زميلي : بمعنى ؟؟؟
انا : بمعنى ان حدود كل شخص اصبحت نسبية بتختلف من شخص لأخر و ده يخلينا نقع في مشكلة كبيرة جدا
زميلي بيسأل: و ايه هي المشكلة ديه بئى ان شاء الله ؟؟
انا : ان كدا حضرتك مش هنعرف ايه حدود الشخص اللي قدامنا ده لأن كدا ممكن نتخطى حدودنا معاه (اللي ممكن تكون في صورة سؤال شخصي) من غير ما نعرف اعتقاداً مننا ان كدا مش تخطينا حدودنا معاه و العكس صحيح تماماً ، اعتقادنا بأن ديه حدود شخص اللي المفروض مش نتخطاها و يمكن ميكنش صحيح هيخلينا ناخد موقف سلبي شويه خوف مننا ان احنا نتخطى حدودنا مع العلم ان ممكن تكون الحدود مرنة مع الشخص ده بالذات و بالتالي يبئى انا كدا خسرت مساحة كنت ممكن اقرب فيها للشخص ده بس خوفاً مني اني اتخطى حدودي خلاني اتراجع
زميلي : و بعدين ؟؟
انا بئى : كدا المفروض ان الحل الوحيد للخروج من المأزق ده هوا اني اخد الخطوات اللي انا اخاف انها ممكن تكون تعدي على حدود الشخص املاً مني اني اكون مخطئ و ان الشخص ده ميكنش شايف ان ده تخطي على حدودي بس المشكلة انك هتواجه حاجز الخوف اللي هيفضل يقولك حاسب انت كدا ممكن تكون بتتخطى حدودك خليك في السيف سايد احسن لكن يفضل جواك الرغبة اللي بتتدفعك لأستكشاف المساحة ديه فضولاً منك لمعرفتها
للأسف كنت منتظر رد من زميلي ده و ببص عليه كدا لقيت على وشه اترسمت ملامح غريبة انا عارفها كويس و بتتمثل في ارتفاع حاجب و نزول اخر و فاه متسع و عينين بتبصلي بغرابة شديدة و سألني سؤال بالفعل خلاني محتار
رد عليا و سألني :
هوا الموضوع له علاقة بالبلح ؟؟؟
ـــــــــــــــــــــــــــــــــ
ملحوطة : لو محدش فهم حاجة ميقلقش شيء طبيعي
محلوظة تانية : آسف جداً لعدم قدرتي على المتابعة
تحياتي
انا : تفتكر الناس كلها عارفة حدودها كويس ؟؟
قالي : تقصد اي بالظبط ؟؟
قولتله : المفروض ان كل واحد لينا بيكون له حدود المفروض لا يتعداها مش كدا ؟؟
قالي : كلامك مظبوط و ده شيء طبيعي مش محتاج انك تسأل فيه
رديت : جميل بس اللي مش طبيعي انك بالرغم من ان الناس المفروض عارفة ده كويس بتلاقيهم بيتدخلوا في شؤون ناس تانية بطريقة مستفزة جدا لكن الغريب ان الناس اللي تم التخطي على حدودهم مش شايفين ده ان هوا تخطي على حدودهم و بالتالي اللي انا شايفه تخطي على حدود الناس من وجهة نظري انا مش شرط يكون تخطي على حدود الناس من وجهة نظرهم هما
زميلي : بمعنى ؟؟؟
انا : بمعنى ان حدود كل شخص اصبحت نسبية بتختلف من شخص لأخر و ده يخلينا نقع في مشكلة كبيرة جدا
زميلي بيسأل: و ايه هي المشكلة ديه بئى ان شاء الله ؟؟
انا : ان كدا حضرتك مش هنعرف ايه حدود الشخص اللي قدامنا ده لأن كدا ممكن نتخطى حدودنا معاه (اللي ممكن تكون في صورة سؤال شخصي) من غير ما نعرف اعتقاداً مننا ان كدا مش تخطينا حدودنا معاه و العكس صحيح تماماً ، اعتقادنا بأن ديه حدود شخص اللي المفروض مش نتخطاها و يمكن ميكنش صحيح هيخلينا ناخد موقف سلبي شويه خوف مننا ان احنا نتخطى حدودنا مع العلم ان ممكن تكون الحدود مرنة مع الشخص ده بالذات و بالتالي يبئى انا كدا خسرت مساحة كنت ممكن اقرب فيها للشخص ده بس خوفاً مني اني اتخطى حدودي خلاني اتراجع
زميلي : و بعدين ؟؟
انا بئى : كدا المفروض ان الحل الوحيد للخروج من المأزق ده هوا اني اخد الخطوات اللي انا اخاف انها ممكن تكون تعدي على حدود الشخص املاً مني اني اكون مخطئ و ان الشخص ده ميكنش شايف ان ده تخطي على حدودي بس المشكلة انك هتواجه حاجز الخوف اللي هيفضل يقولك حاسب انت كدا ممكن تكون بتتخطى حدودك خليك في السيف سايد احسن لكن يفضل جواك الرغبة اللي بتتدفعك لأستكشاف المساحة ديه فضولاً منك لمعرفتها
للأسف كنت منتظر رد من زميلي ده و ببص عليه كدا لقيت على وشه اترسمت ملامح غريبة انا عارفها كويس و بتتمثل في ارتفاع حاجب و نزول اخر و فاه متسع و عينين بتبصلي بغرابة شديدة و سألني سؤال بالفعل خلاني محتار
رد عليا و سألني :
هوا الموضوع له علاقة بالبلح ؟؟؟
ـــــــــــــــــــــــــــــــــ
ملحوطة : لو محدش فهم حاجة ميقلقش شيء طبيعي
محلوظة تانية : آسف جداً لعدم قدرتي على المتابعة
تحياتي
6 comments:
علي فكرة انا مارفعتش حاجب ونزلت حاجب ومافتحتش بقي..ومش هسألك عن اي حاجه ليها علاقه بالبلح ولا حتي بالعجوة زي ماصحبك عمل هههههه
انا بس حبيت اقول اني فاهمه وجهه نظرك
لاني بطبيعتي مضيقه الحدود اللي راسماها حواليا جدا ومبحبش حد يتعداها ولو حتي بسؤال هو شايفه عادي بس بالنسبالي انا ممكن اعتبره قمه الخصوصيه
دا بيخليني برضه مبحبش اتعدا حدودي مع اللي قدامي لدرجه اني ساعات ببالغ ف كده واللي بعاملهم بيفتكروني انسانه سلبيه او قليله الذوق او مش بهتم بحد
لكن كل الفكرة اني مبحبش اسال حد سؤال عن حاجه مش حابه حد يسالني عنها
اكتر شئ بيدايقني لما ناس تظهر فجأة وتصر اصرار بشع انها تحشر مناخيرها ف حياتي بدون اي وجه حق ومن غير اي مبادره مني لمعرفه اي حاجه عنهم
بس اقوللك وجهه نظري
هو فعلا حكايه السيف سايد دي احسن
واللي عاوز يفهم غلط هو حر
لكن فعلا مفيش احسن من الحدود بين الناس عشان ع الاقل مايخسروش بعض
تحياتي
طبعا اكيد البنت العاقلة هي اللي هتفهم اللي اقصده بالظبط بسم الله ما شاء الله سعيد جدا بردك لانك بالفعل قفشتي النقطة اللي عايز اقولها اللي للأسف غيرك كتير اغفلها و مش فهم انا عايز اقول ايه .. بالظبط يا سلسبيل ردك قال كل حاجة و النقطة المهم ان هل الناس بالفعل بتفهمها على انها سلبية و عدم اكتراث بالاخر ؟ و ازاي نقدر نخلي الناس تدرك بأن وقوفي عند نقطة معينة ما هي الا التزام بحد معين مش عايز اتخطاه ؟
عجبني اوي الحتة بتاعة
مفيش احسن من الحدود بين الناس عشان ع الاقل مايخسروش بعض
اعتقد ان لازم نحافظ على الحدود ديه علشان منوصلش بالفعل لمرحلة غير مقبولة من طرف معين و تؤدي في النهاية للخسارة زي ما ذكرتي
بس كان ليا تساؤل
مش شايفة يا سلسبيل ان بالتزامي بقاعدة السيف سايد ديه هتحرمني من اني اخد خطوات انا عايز اخدها في سبيل اني اوصل لمكان معين من حدود الشخص ده و اللي مش شرط تكون تخطي لحدوده ؟
عموما بجد تحياتي ليكي على ادراكك للنقطة ديه لاني حسيت اني غلطان لان الموضوع اعقد من كده حبتين لكن هنا مش مكانه للنقاش و على فكرة كمان
احم احم
مفيش زميلي و مفيش بلح
ده نسج خيال لكن استخدمته لتوضيح المقصود في صورة حوار
:S
تحياتي يا فندم
و ربنا يكملك بعقلك
:)
سلام
سلام عليك يا شريف
فهمت حاجة ؟؟؟
ده هي دي الكارثة اللي انا عايشاها
:(
ليه الناس حوالينا شايفين انه عااااااااااااادي جدا انه يسال الاخر في اكتر الامور اللي تخصه ..من الاخر كده
"انت مالك ؟""
هو ليه الناس عندها فضول بيقتلها انها لازم تعرف عنك كل شئ برغم انك مبداتش بفضول تسال عن امورهم او حتي لم تبدي رغبتك بالكلام في الاساس
...
الموضوع ظهر في بداية شغلي ...كم الفضول غريب و السلاسة في السؤال و التوقع ان عادي و بسيط و لازم اني ارد علي كل الاستفسارات ..و كان امتناعي عن الخوض في كل ما هو ليس له علاقة بامور الشغل سبب للزعل مني و الغضب و اللوم
و ده خلاني اسال نفسي قبل ما ابدا اسال اللي حواليا من المقربين
"هو انا كده غلط؟؟"
بس لاقيت انه لا
و ان كل واحد له "حدود" زي ما انت قلت ..بس لان (المفروض شئ و الواقع شئ اخر تماما ) فكان طبيعي اني اتهم باني فيا شئ من التعالي و كثير من الغموض و اني مش بحب الناس ...و مع ذلك لايزال مسلسل السؤال عن اموري مستمر
بس في الاخر برضه كل واحد له اموره الخاصة بيه و عدم الخوض فيها حريه و شان خاص بيه ..
من الاخر لو اي حد سالني ببساطة هقول بصمتي
"و انت مالك"
_________________
يمكن ردي جامد شوية بس ساعات بيكون ضغط الحاح الاخرين عليك في امر لا يهمهم الا لمجرد اشباع فضولهم بيثير الغضب
مش كده ؟؟
:)
فهمتني صح :)
كل سنة و انت طيب يا شريف مع انها متاخرة اوي
سلام
مها
موضوع تحديد الحدود ده نسبي جدا وبيختلف من شخص لاآخر سواء كان الشخص ده هو السائل أو المتلقي
كل حالة وكل شخصية وليها ظروفها .. وبالتالي مساحة الحدود دي بتتغير تغير كبير
بس سيبك إنت .. البلح هو الحل
Maha
و عليكم السلام يا مها
يااه فينك من فترة يا بنتي المدونة زعلانة جدا و بتسأل عليكي علطول :)
المهم اللي عايز اقوله ان لا يا مها مش انتي اللي غلط اللي غلط الطريقة اللي متركبة بيها دماغ الناس ديه لان النقطة اللي بيدور عليها البوست ده هي النقطة اللي الناس كلها لازم تدركها و هي حدودي ايه و حدود الاشخاص اللي قدامي ايه لكن اذا كان فيه ناس مش مدركة النقطة ديه فديه مشكلتهم هما و الغريب اوي كمان هي النقطة اللي انتي قولتيها و قالتها قبلك سلسبيل و اجتماعكوا على النقطة ديه سليم تماماً و هو ان بعد ما بنحدد حدودنا و نرفض ان احد يتخطاها يساء فهمكوا و يعتقدوا بالفعل ان ده فيه شيء من التعالي و قلة الذوق و الغموض طيب ليه الناس مش بتشوف ده على انه خصوصية شخص وحرية شخصية ؟؟ لكن اذا كان احترامي لحدود غيري ورفضي لاي حد يتخطى حدودي بيعتبر غموض خلاص اوكي براحتهم بئى بصراحة الواحد تعب كفاية ندادي في الناس اكتر من كدا يعني من الاخر استمري يا مها في طريقك طالما انتي متأكدة انك صح بغض النظر عن اي اعتبارات تانية و الكلام ليا كمان :)
و بعدين ردك الجامد ده نرفزة من كمية الغباء و التخلف اللي بتقابليه و بيكون صعب السكوت عليه بصراحة
عموما كل سنة و انتي طيبة و مش متأخرة ولا حاجة بالعكس انا زعلان جدا اني مقدرتش اروح اعيد على حبايبنا كلهم بس كانت فترة متلخبطة على الاخر
عموما بالتوفيق دايما في شغلك و حياتك دايما يارب
تحياتي
استاذنا الكبير
اهو شوفت يا بشمهندس كلمة حضرتك ديه هي الحل السحري للمشكلة ديه و اللي لازم الناس تفهمه كويس اوي و هي كلمة كل حالة و كل شخصية وليها ظروفها و علشان كدا يصبح لازماً عليا اني اتحسس الاول ظروف و طبيعة الحالو ديه او الشخصية ديه قبل ما اتخذ اي قرار متخلف من شأنه ان هوا يدمر علاقة مش يزيدها حميمية
قشطة يا بشمهندس بموت في البلح و الله فعلا هوا ده المفيد
تحياتي لحضرتك
و بالتوفيق دايما ان شاء الله
سلام
Post a Comment