Friday, December 07, 2007

Happy Birthday

كل سنة و انتي طيبة..انا بقول كدا للمدونة بسبب مرور عام كامل على انشائها لان زي النهاردة من سنة اخدت المبادرة اني اعمل مدونة خاصة بيا و اقول فيها كل اللي نفسي اتكلم فيه و افضفض بيه لان بجد من خلال المدونة ديه قدرت اخرج فيها كلام كتير كان في دماغي كنت عايز اشارك بيه و اعرف رأي الناس فيه مواضيع كتير كانت بتقلق راحتي و بتشغل تفكيري و اللي استريحت كتير جدا بعد ما كتبتها و شاركت الناس بيها و اللي بجد كانوا عامل مهم جدا بسبب اراءهم و مناقشتهم لي الكلام المطروح و اللي بجد استفدت كتير من افكارهم و خبراتهم سواء بتعليقهم على الموضوع او في مدوناتهم الخاصة و اللي من خلالها اتعرفت بناس قلما لما الواحد يلاقي زيهم حواليه.. في خلال السنة ديه قدرت اعيد تقييم حاجات كتير يمكن مكنتش واضحة قدامي و اللي حاولت على اد ما اقدر اني اشارك بيها علشان اعرف هل انا على صواب ام اخطأت..المهم خطوة انشاء المدونة ديه كانت خطوة مهمة بالنسبة ليا و ان شاء الله تعيش معايا لانها هتكون بمثابة عملية ثوثيق لكل اللي مريت بيه على مر حياتي فعلشان كدا بوقلك يا مدونة كل سنة و انتي معايا دايما

في النهاية احب اقول اني بعتذر عن انشغالي الفترة ديه لان الفترة ديه يمكن تكون فترة انتقالية مهمة محتاجة تركيز و وقفة (مش بتاعة العيد) لأعادة تقييم حاجات كتير يمكن تكون ليها الاثر على مجرى حياتي

تحياتي لكم جميعا

سلام

10 comments:

Bella said...

كل سنة والمدونة طيبة في عزك ووجودك واضافاتك فيها
ويارب تفضل تضيف لها دايما

بنت الصالحين said...

مبرووووووووووووووووووووووك

وعقبال 100 سنه
تكون فى طاعه
وتكون كده حجه ليك مش عليك

يارب مدونتك تبقى خير ووسيله لنشر الخير

Shreef said...

Bella

و انتي طيبة يا بيلا و ان شاء الله تفضل معايا و مغيبش عنها كتير شكرا ليكي يا بيلا..سلام

ـــــــــــــــــــــــــــــــــــــ

عاشقه الفردوس

يا عاشقة الفردوس و كلنا كذلك شرفتيني في اول زيارة ليكي تقريبا عندنا هنا و اتمنى فعلا انها تكون حجة ليا مش عليا و ان من حلالها اقدر اوصل كل شيء كويس او على الاقل اغير و لو فكرة سيئة او غلط في نفس شخص واحد..ان شاء الله و مدونتك كمان الجميلة اللي اعجبت فيها بكتابتك اللي هي وسيلة فعلا لنشر الخير..شكرا لزيارتك..تحياتي ليكي..سلام

Anonymous said...

إذا اردت النجاح يوما فكن فريدا ً مختلفا ً عن غيرك كن صادقا تكتسب قلوب الاخرين وثقتهم بك ,,,...اتمنى لك مزيد من التوفيق والنجاح فى حياتك العلميه والعمليه ودائما وابدا ً مدونتك فى تقدم واذدهار وعقبال السنه ال100 لها

انسااااااااانة....غريبة said...

كل سنة والمدونة طيبة وبالصحة والسلامة وبوستات اكتر واكتر


وعقبال 536449987 سنة

sally said...

كل سنه و انت و مدونتك بالف خير
و ان شاء الله السنه الجايه زي النهارده تكون حققت كل اللي نفسك فيه

šσяšαяαα said...

ايه داااا فى عيد ميلاد وتورته وجاتوة وحاجة ساقعه بيبس وانا معرفشششش

خياااااااااااااااانة

ايه دا بس تصدق انا كمان مدونتى عيد ميلادها عدى وولاعبرتها
يمكن عشان وقتها لسا ماكنش ليا فى التدوين اوى فنسيت انا عملتها امتى

ياللا الاعياد جاية كتير وهبقى اقولها كل سنة وانتى طيبة فوسط الزحمة كدا:))

ولمدونتك المجنونة اقولها
كل جنان وانتى مجنونة ومجننانا معاكى

وسلاااااااااااام

dina marie said...

ههههههههههه
كل سنه وانت ومدونتك بالف خير
خاصة ان عيد ميلادك انت كمان كان قريبا
الحمد لله بقى انك عملتها علشان نعرف احنا كمان نقراءك ونراك
بجد تعبت فيها وكانت افكارها صريحة وواضحة وعادة مضحكة
بس ضحك من قبل "شر البلية مايضحك"كانت بتعرض افكار ومشكلات س بتريحنا احنا كمان معاك
كل سنه وانت طيبة يامدونة شريف
هههههههه
سلام بقى

أمــانــى said...

كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

Shreef said...

mahmoud mansour

شكرا يا مان على النصيحة الجميلة ديه هوا يمكن مش بالصداقة هكتسب قلوب كل الناس بس على الاقل هضمن اني هكسب قلوب الصادقيين منهم لان للاسف مش الكل بيحب الصدق..المهم انا اللي بتمنى ليك انت التقدم دايما يا رب علميا و عمليا و يكون تغربك عن بلدك في الخير ليك يا رب..ربنا يوفقك يا ابني..يلا سلام

ـــــــــــــــــــــــــــــــــــــ

انساااااانة

و انتي طيبة يا انسانة و اتمنى انها تعيش لععد السنين ديه اللي انتي كاتباه ده اللي معرفتش اقراه (بهزر طبعا)لكن بعد السنين ديه اكيد هيكون اخترعوا حاجة تانية غير المدونات يلا ما علينا..تحياتي ليكي و شكرا على زيارتك الجميلة

ـــــــــــــــــــــــــــــــــــ

sally

شكرا على ذوقك و ا شاء الله بردو السنة الجاية تكوني حققتي و حققنا كل احلامنا يا رب و الناس كلها كذلك..تحياتي ليكي و شكرا على زيارتك..سلام

ـــــــــــــــــــــــــــــــــــ

ŞoŖśậŖấầ

لا يا سارة مش خيان ولا حاجة و الله اه يمكن كان في عيد ميلاد و بتاع بس قضيناها صيام مكنش فيه جتوهات ولا حاجة لان انتي فاهمة لو كان في ايه حاجة كنتي اول واحدة هتكوني من المدعوين دا كنت هخليكي اصلا انتي المسؤلة عن الاسمهم ايه دول المهم لا لازم تعملي عيد ميلاد و انا هكون اول الحاضرين المهم و انتي طيبة يا سارة و اكيد طول ما المدونة ديه ورايا هنتجنن دا اذا مش كنا متجننين جاهزين اصلا..المهم شكرا على زيارتك يا سارة..يلا سلام

ـــــــــــــــــــــــــــــــــــ

dina marie

المدونة بتقولك و انتي طيب و بالصحة و السلامة و انا بقولك بعديها و انتي طيبة و بخير يا رب دايما..و طبعا اللي انتي قولتيه ده الاسباب اللي خلتني اعمل المدونة ديه علشان افضفض بصراحة و لو مكنتش طبعا صريح يبئى بخدع نفسي قبل ما اكون بخدع اي حد هي يمكن يكون دمها تقيل شويه و كئيبة لكن هي الدنيا كدا..عموما شرفتيني بالكومنت دهخ بجد و سعيد بان الموضوعات عجبتك اصلا..يلا نشوفك على خير يا رب..يلا سلام

ـــــــــــــــــــــــــــــــــــ

أمــانــى

و انتي بخير يا اماني و كل سنة و انتي طيبة عليكي و علينا و على الامة الاسلامية كلها و على الدنيا كلها..شرفتيني بزيارتك الجميلة ديه..تحياتي لحضرتك..سلام