عبثا ما اكتب سيدتي
أحساسي اكبر من لغتي
و شعوري نحوكِ يتخطى صوتي
يتخطى حنجرتي
عبثا اكتب مادامت
كلماتي اوسع من شفتي
اكرهها كل كتاباتي
مشكلتي انكِ مشكلتي
أحساسي اكبر من لغتي
و شعوري نحوكِ يتخطى صوتي
يتخطى حنجرتي
عبثا اكتب مادامت
كلماتي اوسع من شفتي
اكرهها كل كتاباتي
مشكلتي انكِ مشكلتي
نزار قباني
17 comments:
نزار شاعر المرأة
الراجل ده كتب شعر حلو اوى عن المرأة خصوصا الحاجات اللى غناها كاظم
بس بيزودها شوية فى تشبيهاته
انا اول مرة اقرأ الابيات دى بس رائعة
تحياتى
3ashe2elro7
طبعا نزار شاعر المرأة و شاعر ثوري فعلا هو صحيح بيزودها شويه على رأيك بس لو جيت تبصلها كدا هتلاقي ان سبب تعلق الناس بشعره هوا انه حر لا يخضع لاي حدود او رقابة و بصراحة ديه حاجة بتعجبني في شعره و سعيد جدا ان في واحد من فرسان الطرب الاصيل زي كاظم متمسك بقصائد العبقري نزار و يجلبها للناس علشان تكون باقية في وجدانهم..عموما انا اللي تحياتي ليك على زوقك..سلام
ازيك ياشريف
فينك من زمان يابنى
جميل كلام نزار والأجمل انك تحس الكلام ده بجد
وانت شكلك حاسه اوى
ربنا معاك
تحياتى ياشريف
عاشقة الوطن
اولا الف شكر على سؤالك بس والله كنت مشغول جدا الفترة اللي فاتت فمعرفتش اني اتابع المدونة او حتى اتابع حبايبنا المدونين من امثالك عموما ربنا يقدرنا كلنا للي بنسعى ليه..ثانيا بالظبط الاجمل ان الواحد يحس الكلام ده لان صدقيني مش هيحسه الا اللي مدرك مدى صدق الكلام ده..اكرر شكرا ليكي يا رضوى على سؤالك..سلام
حلو اوي الكلام
تحياتي مدونة حلوة
جميل اوي الشعر دا
بس مشكلته ....انه عنده فراغ :))
بس
الى من تهواها
والى من اهواها
والى كل الحبيبات
نزار يتكلم
فهلا أنصتم ؟
الحب يصهرنا معا ويذيبنا من حيث لا أدري ولا تدرين
أشكرك عزيزى على رقى ذوقك
عروس البحر
طبعا لازم الكلام يكون حلو لانه كلام نزار ..شكرا ليكيو ان شاء الله تشرفينا دايما..سلام
ـــــــــــــــــــــــــــــــــــــ
أروي الطويل
ارولى عندنا يا اهلن بيكي نورتي المدونة بجد هو فعلا شعر جميل بس تقصدي ايه بأن عنده فراغ يا ريت تبئي عرفينا..تحياتي ليكي...سلام
ـــــــــــــــــــــــــــــــــــ
الملاح التائه
فعلا عندك حق و يبدو انك من عشاق نزار لانك كنت كاتبله جزء من اشعاره في اخر بوست ليك و عجبني جدا هو نزار و كفى..سلام
سيدي يا سيدي عالرومانسية
مع إن الجو حر جدا اليومين دول
:-D
هي مين بقى اللي بتهواها وبتهديها الكلام الجميل ده؟
يا ريت حتى بئى فيه رومانسية يا باشمهندس تقدر تعتبرها كلمة عبيطة اللي بيفكر بيها بئى متخلف و ملوش مكان لان المكان دلوقتي للفهلوي..عموما بدون الدخول في تفاصيل الكلام ده بهديه لشخص ما يكاد يكون مش موجود يمكن انا اللي اتجننت بس مش مهم يلا ما علينا..تحياتي ليك يا مراكبي
السلام عليكم
ازيك يا شريف؟
جميله اوى القصيده دى .. كلها معبره وقويه
بس الحاجه الوحيده اللى ضايقتنى اخر جمله ( مشكلتى انك مشكلتى )
ربنا مايجيبش مشاكل :)
بس لو كلمات تانيه فى الجمله دى كان هيبقى تمام اوى
ولا ايه رايك؟؟
و عليكم السلام يا كيتي طبعا القصيدة جميلة جدا و انتي مضايقة من اخر جزء بس هو بصراحة عندوا حق لانها في حد ذاتها مشكلة و مشكلة كبيرة كمان و مش هيدرك انها مشكلة الا اللي عاش المشكلة ديه..هو طبعا ميقصدش انه يشتم لان احنا لان لما نيجي نتكلم على حد و نقوله انت مشكلة يعني ان هو عامل ازمة و قلق لكن هنا هو عايز يقول ان المشكلة اللي بتواجهني هو انتي كشخص انتي عملالي مشكلة لان شعوري تجاهك و انتي كلك على بعضك اجمل من اني اقدر اوصفك يعني بمعنى اصح اذا كان بيواجهني مشكلة بسبب صعوبة وصف شعوري ليكي يبئى انتي السبب في المشكلة ديه لانك مشكلة...فا يمكن اللي مضايقك هو اللفظ نفسه مش اكتر..عموما يا كيتي دا نزار مش هنقدر نعدل عليها لانه بردو مشكلة (:..سلام
و فعلا اللى مضايفنى اللفظ مش المقصود منه لان المقصود منه قوى التعبير
ههههههههههه ... تصدق فعلا نزار مشكله كبيره اوى
بس جمبل حتة القصيده اللى فى المدونه اللى كسرت مواضيع النقد ...ياريت تكتشفلنا مزيد من هذه القصائد :)
سلام
kitty
فعلا المقصود منه قوة التعبير و التغير ده جميل و بصراحة انا نفسي انزل قصائد كتير فعلا بس علشان متبقاش ضاغية على المدونة دا انا حتى كنت بفكر اعمل مدونة مخصوص لكدا بس ملقتش اللي يساعدني فيها..عموما شكرا لاهتمامك يا كيتي..سلام
وانا اللي لسه هقولك الله عليك
وتسلم ايدك
اتاري هو اللي بالي
نزار اللي معدي اي حد في اشعار الحب
عموما احييك علي زوقك في اختياركومدونتك جامده بجد
تحياتي
el3araby
حبيب قلبي و هو انا مهما حاولت هقدر اطلع حاجة بجمال كتابات نزار قباني لأ طبعا نزار ده حاجة كدا زي طفره او فلته متتكررتش ولا هتكرر..شكرا الف شكرا انت اللي كلك ذوق و شرفتنا بزيارتك الجميلة ديه...يلا سلام
Post a Comment