جربت تعمل دماغ
لو فى يوم لقيت نفسك مضايق ومخنوقوملكش نفس تكلم حد ومش لاقى حاجه تعملها "كالعاده.."انزل الشارع اتمشى لوحدكوتأمل فى الناس....
هتلاقى الموضوع مسلى ...اصل الشعب المصرى ده دمااااااااااااااااااااااااااااغ
هتلاقى ناس طالع عين اهلهم فى اتوبيس فيه مالايقل عن 200 نفر والناس طالعه من الشبابيك والجو حر..والناس لسه بتركب واللى يغيظك انهم "مبتسمين!"وحسين بالكفاح وتلاقى واحده ست تخينه-ف الغلب موظفه-دخلت وسط ال200 نفر اللى واقفين وتلاقيها سلكت نفسها برشاقه غريبه تحسد عليها
هتلاقى بنت لابسه هدوم المدرسه ومزوغه مشيه مع ولد-ممكن تحلف من شكله انه مش هيلاقى شغل ولا بعد100سنه- وان لقى شغل اول حاجه هيعملها انه يسيب البنت دى...
هتلاقى واحد ومراته -عوجيز-ماشين على الكورنيش بياكلوا ترمس ف منتهي السعاده و مش عايزيين حاجه تانى من الدنيا ....
هتلاقى واحد شكله تعبان طحن ومش لاقى ياكل ,بس جايب أحدث "موبيل"وشغال رغى بصوت عالى علشان يسمع اللى حواليه
هتلاقى واحد واقف مع خطبته او صحبته قدام قفص الاسود فى جنينه الحيوانات بيقولها :بصي..أهو ده بقى الاسد....!!!!قال ايه الود كده منحها العلم والمعرفه المطلقه واسرار الكون
هتلاقى بنات ب "كرش "لابسه body stomach علشان دى الموضه
هتلاقى اسره من 4 افراد اب و ام و بنت شابه و ولد ف اعدادى قاعدين ف كافيه طلبوا عصير و2 شيشه .. واللى شرب الشيشه ؟! البنت وامها ..."الموقف ده بجد حصل قدامى..."
جربوا تعملو دماغ وقولولى
هتلاقى الموضوع مسلى ...اصل الشعب المصرى ده دمااااااااااااااااااااااااااااغ
هتلاقى ناس طالع عين اهلهم فى اتوبيس فيه مالايقل عن 200 نفر والناس طالعه من الشبابيك والجو حر..والناس لسه بتركب واللى يغيظك انهم "مبتسمين!"وحسين بالكفاح وتلاقى واحده ست تخينه-ف الغلب موظفه-دخلت وسط ال200 نفر اللى واقفين وتلاقيها سلكت نفسها برشاقه غريبه تحسد عليها
هتلاقى بنت لابسه هدوم المدرسه ومزوغه مشيه مع ولد-ممكن تحلف من شكله انه مش هيلاقى شغل ولا بعد100سنه- وان لقى شغل اول حاجه هيعملها انه يسيب البنت دى...
هتلاقى واحد ومراته -عوجيز-ماشين على الكورنيش بياكلوا ترمس ف منتهي السعاده و مش عايزيين حاجه تانى من الدنيا ....
هتلاقى واحد شكله تعبان طحن ومش لاقى ياكل ,بس جايب أحدث "موبيل"وشغال رغى بصوت عالى علشان يسمع اللى حواليه
هتلاقى واحد واقف مع خطبته او صحبته قدام قفص الاسود فى جنينه الحيوانات بيقولها :بصي..أهو ده بقى الاسد....!!!!قال ايه الود كده منحها العلم والمعرفه المطلقه واسرار الكون
هتلاقى بنات ب "كرش "لابسه body stomach علشان دى الموضه
هتلاقى اسره من 4 افراد اب و ام و بنت شابه و ولد ف اعدادى قاعدين ف كافيه طلبوا عصير و2 شيشه .. واللى شرب الشيشه ؟! البنت وامها ..."الموقف ده بجد حصل قدامى..."
جربوا تعملو دماغ وقولولى
36 comments:
علي ويكا..حلوة حكاية الدماغ ديه فعلا لما تنزل تتمشى كده و بس تتفرج على الناس هتشوف بلاوي مش على الناس و بس بتشوف للاسف اد ايه هما بيعانوا و بيعافروا علشان يعيشوا في الدنيا كل حاجة بهدلة و مرمطة و الناس مستحملين وصابرين..ربنا يكون في عونا كلنا..تحياتي ليك
على يا ويكاااااا
اسمك فى المدونه بيفكرنى بمسرحية فؤاد المهندس فى سك على بناتك :)
ما علينا
والله جميل الموضوع جدا بس ده على كده الواحد مش بيعمل دماغ ده كده بيشيل دماغه خالص علشان يقدر يستوعب المواقف
النكته دى
حلوه جدا موقف الاسد والموبايل :)
هو فعلا الواحد ساعات بيخرج من تلاهى الدنيا ويبص عليها من بره كتير بتحصلى بس للاسف لما بعمل كده مش بعمل دماغ ده انا باستغرب جدا تلاقى اللى فرحان واللى زعلان واللى راضى بحاله واللى فى نعمه مش حاسس بيها وقلق ..والله فعلا لما تفكر كده ماتقولش غير كلمتين
سبحان الله
طب تفتكر لو نزلت الشارع هاكون من اللى بيتفرجوا و الا من اللى بتتفرج عليهم؟
موضوع جميل
تحياتي
shreef
منورنى دايما يا باشا,ربنا يبارك فيك
فعلا ربنا يكون ف عون الناس دى بس لازم الاول هما يكونوا ف عون نفسهم وربنا هيكون جنبهم, وربنا يوفقنا جميعا
Kitty...
اسم جميل ,اهنيكى على اختياره
اللى الناس فيه ده من نعمه ربنا ولطفه ب عباده, وإلا الناس عقلها هيسافر اكتر "قضى اخف من قضى"!..سبحان الله
khaled
كلنا هنتفرج و هيتفرجوا علينا انت مستعجل ليه..
هو نوعا ما حل
بس اما هتخرج منه وانت اكثر كآبه او يأيس
مع ان فيه حاجات كتير كويسه وتخلى عندك امل بأن فيه ناس كويسه كتير الا ان الحاجات دى بتظهر بالاعياد والمواسم
بس الشارع فعلا بيعكس حاجات كتير من سلوكيتنا خاصه واننا بنراقب سلوكيات ناس مالناش علاقه بيهم
الكويس بقي فى الموضوع انه بيلهيك عن مشاكلك انت ويخليك تستغرق بمشاكل الاخرين
أنا معاك إنك لو ركزت شوية في الناس وتصرفاتهم المتناقضة العجيبة هتلاقي نفسك دخت .. وعملت دماغ من غير حشيش .. ولا الحشيش بقى موضة قديمة اليومين دول؟
عالم ارزقى
نورتنا والله , بس اللى يشوف بلاوي الناس تهون عليه بلوته... و كمان الواحد بيتعلم من اللى بيشوفه
يا مراكبى
الحشيش خلاص راحت ايامه دلوقتى مبقاش يعمل حاجه,حتى ربنا خد منا النعمه اللى كانت بتخلى الواحد ينسى....لا حول ولا قوه إلا بالله
الموضوع جميل واتمني لك التوفيق
احلى دماغ
وعلى فكرة منطقية جدا
أنا أفكر اذا انا مجنون
صح جدا جدا
تحياتى
سلام عليك يا شريف
ضغط الفترة الحالية فعلا مخلي اغلب الناس اللي اعرفهم محتاجين الروشتة بتاعتك
بس تعرف انا استغربت لما قلت ان الناس مبتسمة..فكرت فيها وافتكرت ان اغلب الوقت بلاقي الناس تعبانةوزهقانه ..لكن بصراحة لماانا بكون مبسوطة و ماشية راحة الكلية بحس انالناس كمان مبسوطين
-اظن اننا ممكنن نستنتج ان الانسان لمابيكون في حالةمعينه بيشوف اغلب الناس زيه -
كلمتين محتاجين بوست ...
:)
المهم
حلو البوست فعلا و يا ريت نذاكر بقي الامتحانات قربت "الكلام ليا والله قبل مايكون ليك ...نفسي اذاكر بقي .."
ادعيلي
سلام
مها
سلام عليك يا علي
معلش رديت علي ان شريف اللي كتب البوست
:(
اعتذار واجب
و بوست حلو يا علي
سلام
مها
يوووووووووه
هو انت لسة واخد بالك
هو ده احنا
و هو ده حالنا بعد مليون سنة
وهى دي عظمة الشعب المصري وسر بقاؤه وتحمله حتى هذه اللحظة
الشارع المصري مليء بكم هائل من المتناقضات والأعاجيب
عبارة عن فسيفساء من الحجم الكبير
تحياتى
Thanks for you work and have a good week
My next work goes to be made in Arab. The heading is: Egipto, the mother of the World.
عمرو غريب
شكرا على تشريقك لينا يا عمرو و كويس ان الموضوع عجبك...هنستنى زيارتك دايما..سلام
ـــــــــــــــــــــــــــــــــــ
hamsa
كويس و الله ان الناس مقتنعة بمنطقية العنوان و على فكرة ميحسش بمدى صدقه الا اللي بيواجه النقطة ديه فعلا...شرفتينا بزيارتك الجميلة ديه..تحياتي ليكي
ـــــــــــــــــــــــــــــــــــ
علي الالفي
طبعا الحاجات ديه موجودة بس المشكلة في انتشارها انها اصبحت اشياء عادية جدا و مش المفروض انها تنتشر في مجتمعنا لكن للأسف المأسي ديه في زيادة مستمرة..اتمنى انك تشرفنا دايما..سلام
ibn nasser
شكرا على رأيك اللي نعتز بيه ده..سلام
ـــــــــــــــــــــــــــــــــــ
MAHA
اولا اعتذارك مقبول طبعا لان علي فعلا هو اللي كاتب الموضوع ده دا انا حتى برد مكانه لانه مشغول في كليته عنده امتحانات ربنا يوفقه يا رب و يوفقنا كلنا..المهم انتي عايزة تقولي ان الحالة النفسية للشخص بتنعكس على طريقة رؤيته للمجتمع يعني لو هو سعيد يبئى هيشوف الناس كلهم سعداء بس دايما على فكرة يعني ساعات كده تنزلي تلاقي الناس كلها مكشرة و ده بيشتم في ده و ده ماشي يكلم نفسه و محدش طايق نفسه و على فكرة خصوصا في الصيف علشان بيبئى حر فيا سلام بئى لما تكوني سعيدة و تشوفي كم البؤس اللي قدامك ده بيبئى ناقصلك دقايق على الانتحار و العكس بردو صحيح لما حزينة و تلاقي الناس فراحنين حتى لو كانوا بيدعوا الفرح ده بتحسي طبعا بالبؤس قال و بيقولوا كن جميلا تجد الوجود جميلا..المهم تصدقي بردو انا مش عارف اذاكر يبدو ان ديه بقت حالة عامة في الجو عموما ربنا يوفقنا كلنا و يوفق كل طالب علم يا رب..تحياتي لمشاركتك الجميلة..سلام
ـــــــــــــــــــــــــــــــــــ
كلام لوجيك
المجتمع المصري زيالفسيفساء يا سلام على تشبيهك بيتكون من حاجات كتير و مختلفة لكنها في الاخر بتكون الصورة الكاملة للمجتمع المصري تشبيه رائع كلامك لوجيك و الله..متقطعش الزيارة..تحياتي ليك..سلام
ـــــــــــــــــــــــــــــــــــ
david santos
Really are you goanna write in Arabic??
Be sure that I am goanna be the first to see it.
You goanna write about Egypt also "wonderful" good for you I will be there. Good bye
انا بحب اوى الفرجه عالناس
بجد بتلاقى بلاوى ياما تهون عليك بلوتك
يا ما حتفرقع من اللى انت فيه
بجد البلوج ده مسخره
ميرسسييع
يادماغك يا راجل
بزمتك فى حاله زي اللى وصفتها دي
هاتلاقي دماغك أصلا
ولا هاتتوه وتفكر في الهم الأزلي والعذاب الحتمي اللى بتقابله الناس اللى بتتكيف على قفاهم وهما مطرمخين
دي دماغ دي
زعلتني
ازيك يا شريف؟؟
ربنا يوفق على فى امتحاناته ويوفقنا اجمعين ..امين يارب العالمين
ردك على تعليق مها فعلا بيحصل كتيييير جدا على الرغم ان كلام مها ان الحاله النفسيه هى اللى بتخليك تشوف الشارع بنفس حالتك منطقى وسليم ميه فى الميه
فعلا بقت حاجه غريبه مش كل حاجه صح بتحصل والعكس دنيا بقت غريبه الواحد محتار فيها
وشكرا جدا جدا على مساعدتك ليا فى مدونتى ربنا يوفقك
وتصبح على طاعه الرحمن ورؤيه النبى فى المنام ومحبة الناس فى كل مكان :)
والسلام ختام
كيتى :)
Esmeralda
الفرجة على الناس لذيذة لانها بتعلمك دروس مهمة جدا لكن في نفس الوقت في مقولة بتقول من راقب النس مات هما لان ساعات مراقبة الناس بتكون عندك شعور عكسي يعني مش شرط انتي اللي بتكوني المتفرجة ممكن انتي تكوني المتفرج عليه و ده اللي قاله خالد في تعليقة فا الموضوع كله نسبي..و البلوج ده مسخرة مش كده تقصدي يعني على سبيل المدح؟؟..المهم شرفتينا بزيارتك الجميلة ديه و اتمنى انها متكونش اخر زيارة..سلام
ـــــــــــــــــــــــــــــــــــ
الملاح التائه
طبعا علي اللي كتب الموضوع ده ميقصدش دماغ من اللي هي بتاعه الحشيش او دماغ كيف يعني هو يقصد دماغ مخمخة و تفكير بمعنى ان زي ما في ناس بتتكيف او بمعنى اصح بتشغل و قتها في المخدرات في ناس دماغها في تأمل حالة الناس و رؤية مشاكلهم و احوالهم و ديه دماغ مش هضر حد ده بالعكس ممكن تنفع لو الشخص شاف اي حاجة غريبة و قدر يغيرها و طبعا كلنا ادرى بحالة الناس عاملة ازاي مش محتاجة كلام هو ميقصدش هنا انه يسخر من حد..شكرا على زيارتك الجميلة ديه..سلام
ـــــــــــــــــــــــــــــــــــ
KITTY
انا الحمد الله كويس مش قالقني غير الدراسة و الامتحانات عموما ربنا يوفقنا كلنا ان شاء الله..اكيد طبعا ان الحالة النفسية لكل شخص بتأثر على كل حاجة قدامة لكن يبدو ان ديه مبقتش حتى اساسية الحدوث يبدو ان الدنيا بقت قاسية اوي على الناس بسبب الناس بمعنى الشخص الطموح المتفائل الحالم سرعان مهتتحطم سفينة احلامه على صخور الواقع و المكتئب اليأس طبيعي انه مش هيعمل اي حاجة لانه كئيب اصلا و شايل هم الدنيا على دماغه لكن مش معنى كده ان ديه حالة عامة اطلاقا مش هكون ببالغ لو قلت يمكن ده في بلدنا بس..و ولا يهمك يا كيتي انا تحت امرك في وقت و شكرا على تعليقك للمرة التانية و قول بعد دعائك انا و سائر المسلمين امين امين امين..تحياتي ليكي..سلام
طبعا على سبيل المدح
خلى نيتك بيضا :)
ابقى تعالى
محسوبتك من الساقيه
عنوان جميل
وكلمات اعجبتني للغاية
لأن كل موقف من المواقف التي ذكرتها
اصبحت تحدص وكأنها شيئلً عادياً
تحياتي لقلمك المبدع
Esmeralda
ازميرلدا هانم و الله العظيم نيتي بيضاااا جدا و عارف انك تقصدي على سبيل المدح بس كنت بهزر يعني..و اكيد هزورك طبعا..سلام
ـــــــــــــــــــــــــــــــــــ
صاحب البوابــة
بالظبط يا صاحب البوابة كل حاجة بقت تحصل عادي جدا ولا اكنها شيء غريب..يبدو ان السلوكيات ديه بقت مفروضة علينا..شكرا على تعليقك..سلام
بص ياسيدى
انا دماغى بقى هى الايس كريم وماتسألش ليه واللا ازاى
هو كدا وخلاص
نجيب الايس كريم مع تمشيه جنب البحر ونرجع البيت مظبطين الدماغ اللى هى
وياسلام بقى لو رشيت فوقيه اقراص الصراصير بدل المكسرات
(دعايه بس عن المنتجات:)))
وياللا جرب وادعيلى:))
بالمناسبه ياجماعه انتو فين؟؟؟؟؟
المسابقة الأولى بدأت من اول الشهر والتصويت لمدة عشرة ايام
متتالية حتي مساء يوم العاشر من مايو
ياريت اللى مهتم بالموضوع ينشر عنه ولو بوست صغير
طالما كلنا متحمسين للفكرة يبقى لازم الكل يشارك..واللا ايييه
واااادى الرابط تانى
http://best-post.blogspot.com/
مستنيينكو
على فكره حلوه دماغ العرق دي
أنا جربتها كتير أوي من سنين طويله .. تقدر تقول مدمن شم عرق من بتاع الغلابه
أفتكر زمان كنت باركب الأوتوبيس وخلاص وما أعرفش هو رايح فين ولا جاي منين وبامشي معاه للآخر ويا سعدك يا هناك لو لقيت قعده جنب الشباك عشان تتفرج من جوه ومن بره
جربتها من سنين طويله وما كانتش تسليه بس .. لأ دي كانت ليها فوايد كتيره أهمها الصبر ورؤية الأمور على حقيقتها
أرق تحياتي
SoRsaRaa
دماغك في الايس كريم يا سلام على الايس كريم انتي هتقوليلي و على البحر كمان يا سيدي بس بصراحة مجربتوش قبل كده باقراص الصراصير و مش ناوي بصراحة ان معرفش ايه حكاية الصراصير معاكي لكن عموما كل واحد و دماغه لو هتدوري على فكرة هتلاقي كل واحد بيعمل دماغ بطريقة الخاصة
اه و بالنسبة لحكاية افضل موضووع ان دخلت على فكرة بس لقيت المواضيع كتير اوي في منهم قريته و في لسه بس علشان اقدر احكم كويس لازم اقر المواضيع كلها و في مختلف الاتجهات و بصراحة مفيش وقت انتي عارفة الامتحانات على الابواب و لسه الواحد مذاكرش بربع جنيه حته..المهم هحاول بقدر الامكان اشارك ان شاء الله..تحياتي ليكي..سلام
ـــــــــــــــــــــــــــــــــــ
IBN BAHYA
يا اهلا بابن بهية..بجد فعلا ديه جميلة جدا لانك بتكتسب خبرات من اللي انتى بتشوفه و جميلة فعلا حتة الاتوبيس لانك بتشوف بلاوي في الموصلات ديه لوحديها و اهم حاجة فعلا زي ما قلت قبل كده انك بتشوف الناس ازاي بتعافر في الدنيا و هي بتحاول تكسب قوت يومها و اد ايه البهدلة اللي الناس بتشوفها و الاهانة اللي بيلقوها في مختلف التعاملات و خصوصا الحكومية منها عموما ربنا يتوب علينا بئى من البهدلة ديه و نعيش محترمين في بلدنا...بجد شرفتني بزيارتك جدا جدا..تحياتي ليك..سلام
ماشى يا استاذ ابو نيه بيضا :)
مستنيا اهه
Esmeralda
هي نيتي بيضا بس مش للدرجة ديه يعني..و مستنيا ايه؟؟
ـــــــــــــــــــــــــــــــــــ
Té la mà Maria
thanx for you visit..
ولا لما تنزل الشارع تلاقى اسره من 5 افراد راكبين على موتوسيكل واحد الاب يسوق وحاشر له عيلين قدامه ووراه المدام محشور فى النص عيل ولا حاجه
ولا تصدف معاك ويكون فى مسجد قريب وتشوف لك راجل عجوز بيته مكون من بطنيه مقطعه مفروشه على الارض قال يعنى سرير وكرتونه ورق مهريه قال يعنى دولاب وكل الى طالبه فى دنيته الستر ولقمه بسيطه
..........
بجد عجبتنى جداااا المدونه
ان شاء الله اكون من المتابعين
loza
من غير متقولي و الله كلنا بنشوف المناظر ديه و بتحسرنا قوي زي ما قولت الناس اللي متبهدله و مازالت بتعافر في الدنيا و بتحاول تكسب على الاقل قوت يومها و زي مقولتي كل اللي بيطلبوه الستر و اللي بيحز في نفسي اكتر اني بحس اني متحمل جزء من المسؤلية بسبب الوضع اللي ناس دول عايشينة بسبب تقصيرنا في مساعدتهم حتى لو كان مفيش في ايدينا حاجة نعملها..عموما انا اتشرفت جدا بزيارتك الجميلة ديه و ان شاء متكنش اخر زيارة ليكي..نورتي المدونة..سلام
بجد مدونة راااااااااااائعة
انا عاجبنى الموضوع قوى موضوع حقيقى
لا ومش المشكلة فى الناس بس
لا والحر كمان علينا
ههههههههههههههه
شكرا قى ياعلى ياويكا
على الموضوع الجميل
وربنا يوفقك انت وشريف فى المدونة
على فكرة نسيت اقولكم انا ماريو
ماريو
اهلا بيك يا ماريو في اي وقت و احنا هنكون سعيدين دايما بزيارتك الجميلة تحياتي ليك
مواضيعك ليها طابع خاص يا romeo
Post a Comment